Հայտարարելով, թե հիբրիդային հարձակումները Հայաստանի դեմ իրականացվում են ոչ միայն դրսից, այլև ներսից՝ Խանդանյան Սաքոն որպես ներսից «ժողովրդավարոթյան» դեմ իրականացվող հարձակման օրինակ է մատնանշել որոշ լրատվամիջոցների վերնագրերը՝ շեշտելով, թե դա բավական լավ «պատկեր է ցույց տալիս»՝ իրավիճակի հետ կապված:

Սաքոն այս մասին խոսել է ԵՄ կողմից ՔՊ-ին ցուցաբերվող աջակցության վերաբերյալ հարցի կոնտեքստում՝ կատարելով բավական ուշագրավ շեշտադրում. լրատվամիջոցների կողմից թողարկվող նյութերի վերնագրերը խնդրահարույց համարելով՝ Սաքոն միանգամից հասկացրել է, թե ինչ են ծրագրում անել իրենք առաջիկայում: Կասկած չկա, որ թիրախում հայտնվելու են ընդդիմադիր ԶԼՄ-նեը և բոլոր նրանք, ովքեր սաքոների քիմքին ոչ հաճելի վերնագրերով կթողարկեն իրենց նյութերը: Ցանկացած պահի, երբ որ ՔՊ-ական Սաքոն կտեսնի, որ այս կամ այն վերնագիրն իր նյարդերի վրա ազդում է, կհամարի, որ ՔՊ-ական ժողովրդավարութան դեմ պատերազմ է մղվում, ինչից հետո համապատասխան ԶԼՄ-ի դեմ կսկսվի հետապնդում. դատի կտան, կտուգանեն, վերջում էլ ուղղակի կփակեն ու եվրոպացիների ծափահարությունների ներքո կհայտարարեն, թե ժողովրդավարությունն են պաշտպանում:

Իշխանություններն ազատ խոսքից վախենում են այնպես, ինչպես սատանան՝ խունկից, ինչը զարմանալի չէ. խավարը փախչում է լույսից:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել