ՔՊ-ական Գաբրիելյան Սիսակը համոզմունք է հայտնել, որ երկրի նախկին ղեկավարները կերազեին, որ իրենց ժամանակվա Հայաստանը լիներ այնպիսին, ինչպիսին է հիմա, ավելին՝ ասել է, թե կարծում է, որ նախագահները «հերսոտում են»՝ ՀՀ-ն ազատ և երջանիկ տեսնելով, ինչի պատճառով խղճում է նրանց:
Սիսակը տիպիկ նիկոլություն է արել մի դեպքում, երբ ընտրություններին կարճ ժամանակ է մնացել: Սիսակի հայտարարությունը, թե ինքը «խղճում է» նախկին նախագահներին, իրականում քաղաքական բանավեճը պրիմիտիվացնելու և հանրությանը հուզական մանիպուլյացիայի ենթարկելու փորձ է։ Փոխանակ անդրադառնալու երկրի առջև ծառացած էկզիստենցիալ մարտահրավերներին, ներկայացնելու դրանց հաղթահարման իրատեսական ծրագրեր և ընդունելու սեփական կառավարման սխալները, իշխող ուժի ներկայացուցիչը նախընտրում է «նախկին-ներկա» արհեստական բաժանարար գիծը խորացնել՝ մի բան, որ վաղուց սպառել է իրեն՝ ՔՊ-ին չբերելով ոչ մի դիվիդենտ:

Իրականությունն այն է, որ այսօրվա Հայաստանն ունի այնպիսի խնդիրներ, որոնց մասին նախկին ղեկավարները ոչ թե կերազեին, այլ միայն իրենց մղձավանջներում կարող էին տեսնել։ Խոսքը ոչ միայն կառավարման որակի կամ կոռուպցիայի մակարդակի մասին է, այլև պետականության հիմքերի՝ անվտանգության և ինքնիշխանության մասին. Նիկոլը պետության հիմքերը լրիվ քայքայել է՝ Հայաստանը վերածելով եսիմ ինչի:

Մյուս կողմից՝ երջանիկներ Հայաստանում իսկապես կան. ՔՊ-ականներն ու նրանց հետ աֆիլացվողների համար «Արևմտյան Ադրբեջանի» վերածվող մեր երկիրը իսկակակն դրախտ է դարձել. «Չէին տեսել պատից կախ, տեսան ճակտից կախ»…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել