Երիտասարդության միջազգային օրվա կապակցությամբ Սիմոնյան Ալենն է մի պաթետիկ ուղերձ հղել՝ հայտարարելով, թե օրն ավելի հիշարժան ու առանձնահատուկ է դառնում մեր երկրի համար օրեր առաջ տեղի ունեցած «նշանակալի իրադարձությամբ»: «…Հայաստանի և Ադրբեջանի միջև նախաստորագրված խաղաղության համաձայնագիրը մեծ հնարավորություններ և լայն դռներ է բացում մեր երկրի առջև՝ հզորացնելու տնտեսությունը, զարգացնելու կրթությունը և ամրապնդելու անվտանգությունը։ Ձեր սերունդն է լինելու հարատև խաղաղության ամենամեծ կառուցողն ու պահապանը…»,-մասնավորապես՝ հայտարարել է Ալենը՝ կոչ անելով միասին քայլել դեպի համերաշխություն և խաղաղ ապագա:

Նիկոլը իր ուսապարկերին հրահանգել է ցանկացած գնով ու ցանկացած առիթով գովազդել իր ու Իլհամի նախաստորագրածը՝ այն ներկայացնելու որպես պայծառ ապագայի գլխավոր երաշխիք ու հնարավորոթյուն: Ա՛յ մոտավորապես այս ոճով էլ Նիկոլն ընտրություններում փորձելու է քարոզել, կոչ անել պատերազմի փոխարեն խաղաղությունն ընտրել՝ կրկնելով 2021-ի սցենարը: Բայց ինչպես որ 2021-ից հետո տեղի ունեցավ էթնիկ զտումը, այնպես էլ շատ շուտով Հայաստանն է արժաննալու Արցախի ճակատագրին՝ անկախ նրանից, թե ինչպիսի բովանդակության ուղերձներ է հղում Ալենը տոներին:

Գիտե՞ք՝ ինչու են այսքան ոգևորվել: Ոգևորվել են, քանի որ այդ թղթի կտորի մեջ են իրենց վերարտադրման երաշխիքը տեսել, ու հիմա չգիտեն՝ ինչպես արտահայտեն իրենց ուրախությունն ու ցնծությունը, որ կրկնապատկվի ՔՊ-ի ներսում տիրող ուրախությունը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել