Հայտարարելով, որ Հայատսանի իշխանությունն ու ընդդիմությունը պաշտպանել է Արայիկ Հարությունյանին ընտրություններում, իսկ քանի որ իրեն կամ իր քաղաքական թիմին ոչ ոք ոչ մի կերպ չի աջակցել կամ պաշտպանել, իրենք ազատ են իրենց որոշումների մեջ՝ Սյամոն վստահեցրել է՝ իրենց հոգին պարզ է, և իրենք անում են այն, ինչ որ գտնում են ճիշտ:

Այստեղ միակ հարցը թերևս այն է, թե ի՞նչն է Սյամոն գտնում ճիշտ՝ փաստացի հայտարարելով, որ քանի որ իրեն ոչ ոք չի պաշտպանել, ինքը կարող է նույնիսկ «բեսպրեդելշիկություն» անել: Երևի նկատի ունի խառնակչությամբ զբաղվելն ու Արցախի քաղաքական դաշտում անկանոն շարժումներ անելը, հանրահավաք հրավիրելն ու այն տապալելը, քիչ-քիչ արցախցիներին համոզելը, թե իբր Ադրբեջանի կազմում հայտնվելն այնքան էլ մեծ դժբախտություն չի լինի, եթե ինքն Արցախի ղեկավարը լինի:

Ստեղծված իրավիճակում էականը ոչ թե այն է, թե ով ում է պաշտպանել կամ չի պաշտպանել, այլ՝ այն, թե որ քաղաքական ուժը կամ դեմքն ինչ ելք է ստեղծված իրավիճակից առաջարկում կամ ով է իրականում: Հաշվի առնելով Սյամոյի ով լինելը, Սյամո-Աննա սիրավեպի փաստն ու 44-օրյայի արդյուքները՝ պետք է ֆիքսել, որ բացի դժբախտությունից Սյամոն Արցախին ոչինչ չի բերելու, քանզի գաղտնի կերպով արտահայտում է այնպիսի մեկի շահերը, որի կյանքի իմաստն Արցախի թեման առհավետ փակելն է, թուրքերի գիրկը նետվելը:

Պետք է ուշադրություն դարձնել ոչ թե նրան, թե ով ինչ է ասում, այլ՝ նրան, թե այս կամ այն բանն ասողն ով է:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել