Պնդելով, թե հայ-ադրբեջանական առևտրային գործարքից առավել կարևոր է այն, որ խաղաղության օրակարգը պրակտիկ ու ռեալ գործարքներով դառնում է իրականություն՝ Նիկոլի տեղակալ ու «վոինի» շահերի ներկայացուցիչ Գրիգորյան Մհերը հայտարարել է, թե սա ինդիկատոր է, որ խաղաղությունն ամրապնդվում է տարածաշրջանում, իսկ պոտենցիալ երկկողմ առևտրի ցանկը չի սահմանափակվում վառելիքով. էլի կունենանք երկկողմ առևտրի գործարքներ՝ վերաբերելի նաև այլ ապրանքատեսակների:

Գրիգորյան Մհերն իրականությունը խեղաթյուրել է՝ հանրությանը «կտավատի» ենթարկելով. ոչ մի երկկողմ առևտրի մասին խոսք լինել ուղղակի չի կարող, քանի որ շատ դժվար է պատկեացնել, թե ինչպես է հայերի հետ թշնամանք քարոզող Իլհամն իր մայրաքաղաքի խանութներին պարտադրելու ասենք հայկական կոնյակ ծախել, որը, ինչպես քարոզում է Նիկոլը, է՛լ կոնյակ չէ: Ի՞նչ է Հայաստանը ծախելու թուքերի վրա, «բադրջա՞ն», թե՞ «Ջերմուկ»: Թուրքերը ծարավից կմեռնեն, բայց հայկական ջրեղեն չեն օգտագործի, բադրջանի խնդիր էլ չունեն. լավ գյուղատնտեսություն ունեն՝ չնայած ջրի պակասին:

Ոչ մի երկկողմ առևտրի մասին խոսք լինել չի կարող. Ադրբեջանը հեռուն գնացող ծրագրեր ունի. ցանկանում է ընդամենն էներգետիկ առումով իրենից կախյալ դարձնել Հայաստանը՝ օրակարգ, որին ողջ էությամբ աջակցում են Արևմուտքն ու Նիկոլը. նպատակը ՌԴ-ից կախվածությունը վերացնելն է ու Հայաստանը թյուրքական աշխարհի մաս դարձնելը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել