ՔՊ-ական Կոնջորյան Հայկոն, փորձելով իբր պատկերավոր ներկայացնել, թե ինչի մասին է իրենց ու ընդդիմության միջև տեղի ունեցող պայքարը, ասել է, թե այդ պայքարը «նիսյա» հայրենիքի ու «նաղդ» պետության մասին է: Իբր ընդդիմությունը թուլացրել ու թալանել է նաղդ պետությունը՝ ի տարբերություն իրենց, որ առաջարկում են վերջապես ձեռք բերել Հայաստանի կադաստրի թուղթն ու հայրենիքի ընկալման նոր չափանիշներ սահմանել:

Հայաստանը ծփացող նարկոմանիայի հովիտ սարքած քաղաքական թիմի ներկայացուցիչ Կոնջորյան Հայկոյի ասածը Նիկոլի առաջ քաշած Արարա՞տ, թե՞ Արագած շինծու դիլեմայի կոնտեքստում պետք է ընկալել, որ լավագույն ցուցիչն է այն բանի, թե փողի հետևից ընկած մանկուրտները որքան անհայրենիք կարող են լինել: Հայկոյի հայտարարությունը ոչ մի քննադատության չի դիմանում ոչ միայն այն պատճառով, որ միայն թրքաբարոն կարող է հայի հայրենիքը (աշխարհագրական վայր, որտեղ հազարամյակներ առաջ առաջացել է հայ ժողովուրդը) սահմանափակել 29800 քկմ-ով, այլև՝ այն, որ ՔՊ-ական զբռոդը նույնիսկ այդ 29800 քկմ-ն է իր գործողություններով կասկածի տակ դնում՝ «կադաստրի թուղթը» կոնկրետ Իլհամից մուրալով ու հայտարարելով ի լուր աշխարհի, որ հայ ժողովուրդը տնվոր է Կովկասում, և սա՝ այն դեպքում, երբ Հայաստանի մայրաքաղաքը հիմնադրվել է դեռ մ.թ.ա. 782-ին: Կգտնվի՞ աշխարհում մի երկիր, որի ղեկավարը իր թշնամուց պահանջի սեփական երկրի «կադաստրի վկայականը»՝ համաձայնվելով սեփական գիտակցությունն անգամ սահամանփակել ոխերիմ մեկի ցանկության շրջանակներով:

Այնուամենայնիվ Նիկոլին պետք է գենետիկ փորձաքննության ենթարկել՝ պարզելու նրա իրական արմատները…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել