Azatutyun.am-ը գրում է.

Թուրքիայում փետրվարի 6-ի ավերիչ երկրաշարժի հետևանքով զոհվել է Ադրբեջանի առնվազն 4 քաղաքացի:

Ազատության հաղորդմամբ, այդ տեղեկությունն «Ինտերֆաքս-Ազերբայջան» լրատվական գործակալությանը փոխանցել է Ադրբեջանի արտաքին գործերի նախարարությունը:

«Կան տվյալներ 4 քաղաքացիների զոհվելու մասին: Մի կնոջ դին ընտանիքն արդեն հուղարկավորել է Թուրքիայում: Հիմա միջոցներ են ձեռնարկվում մյուս երեք զոհերի մարմինները հայրենիք վերադարձնելու համար»,- հայտնել է ԱԳՆ-ն:

Ըստ գերատեսչության, Թուրքիայից տարհանվել են Ադրբեջանի 395 քաղաքացիներ, նրանցից 183-ն արդեն տուն են հասել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել