Թշնամուն ծառայող և թշնամուն ժպտացող Արարատ Միրզոյանը ողջ է, իսկ Հայրենիքի պաշտպան Արարատ Թևոսյանը՝ զոհվել է

ՀՀ արտաքին գործերի նախարար Արարատ միրզոյանը 2022 թվականի մարտի 23-ին Ազգային ժողովում, անդրադառնալով Թուրքիայի արտաքին գործերի նախարարի հետ հանդիպմանը, հայատարարել է․ «եթե ես իմանամ, որ իմ ժպիտը կարող է վաղը, մուս օրը, ապագայում գեթ մեկ հայ զինվորի կյանք փրկել, ապա ես էլի կժպտամ, էլի ու էլի կժպտամ»։

Այդ անդադար և անսպառ ժպիտներից հետո, 2022 թվականի մարտի 25-ին, թուրքական արտադրության Բայրաքթար ՏԲ2 անօդաչու թռչող սարքի հարվածից մահացել են հայ զինվորներ։ Նրանցից մեկի անունն է Արարատ Թևոսյան։

Հերոսները զոհվում են թշնամիների գործողություններից և անգործությունից, իսկ մենք այս աղետն ընդունում ենք իբրև օրվա լրատվություն, մինչև կկործանեն բոլորին։