Բազմաթիվ վարչական շրջանների աշխատակիցներ այսօր ինձ ահազանգել են, որ իրենց հրահանգված է վաղը պարտադիր մասնակցել «իշխանությունների» կողմից կազմակերպված երթին: Այս մասին ֆեյսբուքյան իր էջում գրել է Երևանի ավագանու «Լույս» խմբակցության անդամ Թեհմինա Վարդանյանը:
«Սա ուղղակի աբսուրդ է` սեփական PR-ի համար սուգն օգտագործել և վարչական ռեսուրս կիրառելով մարդկանց ստիպել մասնակցել երթին, որպեսզի սեփական ոչնչության հասնող «ես»-ը շոյել:
Հարգելի´ վարչական շրջանի ղեկավարներ, մի´ արեք: Այս ամենաթողությունը շուտով ունենալու է իր տրամաբանական ավարտը: Այնպես արեք, որ վաղը պարզ ճակատով կարողանաք ապրել»,- գրել է Վարդանյանը:
Նշենք, որ ավելի վաղ իրավապաշտպան Ռուբեն Մելիքյանը հայտնել էր, որ իշխանությունները պատերազմի որոշ մասնակիցներից պահանջում են քայլել Փաշինյանի հրավիրած «սգո երթում»՝ հակառակ դեպքում սպառնալով քրեական հետապնդում՝ զինվորական հանցագործությունների համար:
