Ավստրալացի դերասանուհի Քեյթ Բլանշետը բրիտանական Սասսեքսի դքսությունում գտնվող իր առաձնատանը էլեկտրական սղոցով աշխատելիս վնասել է գլուխը: Բարեբախտաբար, ճակատագրական վնասվածք չի հասցրել ինքն իրեն, գրում է Daily Mail-ը: Միջադեպի մասին հոլիվուդյան դերասանուհին պատմել է Ավստրալիայի նախկին վարչապետ Ջուլիա Հիլարդին:
«Ես հասկանում եմ, որ սարսափելի է հնչում՝ վնասվածք ստանալ էլեկտրական սղոցով, բայց ես լավ եմ, ոչ մի լուրջ բան չկա, միայն թեթև քերծվածք՝ գլխիս»,- գրել է նա:
Նրա խոսքերով՝ կարանտինում կյանքը շատ աղքատիկ է ու անհետաքրքիր: Կինոյում դադար է վերցրել, որպեսզի օգնի իր 4 տղաներից մեկին ավարտական քննությունները հանձնելու գործում:
Նշենք, որ Քեյթ Բլանշետը երկու անգամ «Օսկար» է նվաճել, BAFTA-ի և «Ոսկե գլուբուսի» եռակի և ԱՄՆ դերասանների Գիլդիայի երկակի դափնեկիր է: Նկարահանվել է «Ավատար», «Մատանիների տիրակալը», «Սկանդալային օրագիր» և այլ ֆիլմերում: