Ամերիկայի Ֆլորիդա նահանգի ծովափնյա շրջանում Ջեյսոն Բոյլ անունով ձկնորսը 159 կիլոգրամանոց ձուկ է որսացել: Այս մասին հայտնում է UPI-ն:
2019-ի դեկտեմբերի 31-ին Բոյլը հրապարակել է հսկայական Hyporthodus nigritus տեսակի ձկան լուսանկարն իր Instagram-ում: «2019 թվականի հրաշալի ավարտ», լուսանկարը մակագրել է ձկնորսը:
Անհավանական որսով հետաքրքրվել է Ֆլորիդայի վայրի բնության եւ ձկնային տնտեսության հետազոտական ինստիտուտը: Փորձագետները Բոյլի լուսանկարը հրապարակել են ինստիտուտի պաշտոնական էջում: Նրանք նշել են, որ գրուպերը որսացել են դեկտեմբերի 29-ին մոտ 180 մետր խորությունից: Կենսաբանները պարզել են, որ ձուկը մոտ 50 տարեկան է:
UPI-ի տվյալներով, Hyporthodus nigritus-ի ամենախոշոր ներկայացուցիչը, որին որսացել են կշռել է 198 կգ:
Գրուպերը հայտնի է իր խոշոր չափերով՝ այն կարող է հասնել 2,8 մետր երկարության եւ կշռել մինչեւ 360 կգ: Այս տեսակի որսն արգելված է, քանի որ ոչնչանալու վտանգ կա:
