Bravo.am-ը գրում է.
2018 թվականը հաղորդավար Արտյոմ Կարապետյանի եւ դերասանուհի Յուլյա Ֆինկի կյանքը հիմնովին փոխեց. լույս աշխարհ եկան նրանց երկվորյակ տղաները՝ Լեոն եւ Մուշեղը: Փոքրիկներն այսօր դառնում են 1 տարեկան: Ծնողները վերջերս նրանց համար լուսանկարահանում են կազմակերպել, իսկ ֆոտոշարքը տրամադրել են BRAVO.am-ին:
«Գաղափարն Արտյոմինն է: Վաղուց էինք ուզում լուսանկարել, բայց տարբեր պատճառներով հետաձգվում էր: Հետո ստացանք հրավեր Կետիկյան քույրերից: Նախընտրեցինք պարզ, հետաքրքիր ու առանց ավելորդությունների շարք ստեղծել: Որոշել էինք մինչեւ առաջին տարեդարձը չհրապարակել լուսանկարները: Կարծում եմ՝ այս պարագայում եւս երեխաները պետք է պաշտպանված լինեն: Եթե բլոգ չէ կամ հետաքրքիր իրադարձություն չկա, իմաստ չեմ տեսնում հրապարակել նրանց նկարներն ամեն մի անպատեհ առիթով»,-նշել է դերասանուհին եւ հավելել, որ նկարահանումներն անցել են դրական եւ ուրախ մթնոլորտում:
Երկվորյակներից Լեոն, ում ծնողներն արդեն իսկ արտիստ են ասում, բոլորովին չի խուսափում ֆոտոխցիկներից, այլ միանգամից ժպտում է: Իսկ Մուշեղն առայժմ այդքան էլ չի սիրում ուշադրություն: Ինչպես ասել է Յուլյան, լուսանկարահանման ժամանակ խուսափում էր, լացում: Մի կերպ համոզել եւ լուսանկարել են:
Ամբողջական հոդվածը կարող եք կարդալ այստեղ
