Կաթի փոշին հարուստ է բոլոր բաղադրիչներով, որոնք անհրաժեշտ են, որպեսզի մաշկն աննման և փայլուն լինի:

Այն պարունակում է՝

  • Կաթնաթթու՝ հարթեցնում, ձգում և թեթևացնում է մաշկը
  • Վիտամին А՝ Վերականգնում է անփայլ մաշկը
  • Վիտամին C՝ կանխում է ծերացումը և նպաստում է մաշկի երիտասարդությանը
  • Վիտամին B6՝ խոնավեցնում է մաշկը
  • Կալիում՝ բուժում է չոր քոր եկող մաշկը

Ներկայացնում ենք կաթի փոշիով մի քանի զարմանալի բաղադրատոմս դեմքի համար, որոնք կարող եք տանը պատրաստել:

Կաթի փոշի, նարնջի հյութ, բեսան

Անհրաժեշտ բաղադրիչները՝

  • Չոր կաթ
  • Նարնջի հյութ
  • Բեսան

Նախ խառնեք հավասար քանակությամբ բեսան և չոր կաթ: Հավասարաչափ խառնեք, ավելացրեք 1-2 թ. գ. նարնջի հյութ: Եթե խառնուրդը շատ խիտ է, կարող եք ավելի շատ նարնջի հյութ ավելացնել:

Դիմակը 10-15 րոպեով քսեք, հետո լվացեք:

Մաշկը չորացրեք մաքուր սրբիչով:

Դեմքի դիմակ կաթի փոշով պզուկների դեմ

Բաղադրիչները՝

  • 1 թ. գ. չոր կաթ
  • 1 թ. գ. մեղր
  • 1/4 թ. գ. քրքում

Պատրաստումը՝
Բոլոր բաղադրիչները խառնեք: Խիտ մածուկը քսեք դեմքին: Թողեք 10-15 րոպե: Լվացեք և դեմքը սրբեք:

Դիմակ կաթի փոշով հիպերպիգմենտացիայի դեմ

Բաղադրիչները՝

  • 1 թ. գ. չոր կաթ
  • 1 թ. գ. յոգուրտ
  • 1/2 կիտրոն

Խառնեք բոլոր բաղադրիչները: Նախ դեմքը 5 րոպե գոլորշու վրա պահեք ծակոտիները բացելու համար: Դեմքը չորացրեք և օգտագործեք ստացված խիտ մածուկը:

10-15 րոպե անց այն սառը ջրով լվացեք:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել