Մինչ ԱՄՆ-ն փորձում է Եվրոպայի վրա ամենատարբեր ձևերով ճնշումներ բանեցնելով, ինչ-որ տեղ նաև համոզելով հաջողության հասնել միջուկային համաձայնության, ինչպես նաև Իրանի հրթիռային ծրագրերում սեփական տեսակետներում, Իրանը շարունակում է Եվրոպայի հետ ավելի խորացնել տնտեսական հարաբերությունները։

Նախկինում առիթներ եղել են գրելու, որ ԵՄ անդամ երկրների հետ Իրանի առևտրատնտեսական հարաբերություններն արագ տեմպերով զարգանում են, և որ անցած՝ 2017 թ․-ի ընթացքում դրանք արձանագրել են մոտ 57% աճ։

Ըստ ԻԻՀ մաքսային վարչության հայտնած տեղեկությունների՝ այս տարվա առաջին եռամսյակում Իրանը, բացի ԵՄ անդամ երկրներից, առևտրաշրջանառության մեջ նաև հսկայական աճ է գրանցել Մեծ Բրիտանիայի Միացյալ Թագավորության հետ՝ մոտ 153,82%, ինչը կազմում է մոտավորապես 1․15 մլրդ դոլար։

Ընդ որում՝ պետք է նշել, որ առևտրաշրջանառությունն ամբողջովին կազմում է ոչ նավթային ապրանքատեսակները, ինչն Իրանի արագայում էլ ավելի է կարևորվում, քանի որ Իրանում ձգտում են հնարավորինս նվազեցնել տնտեսությունը կախումը նավթի գների տատանումից։

Փաստորեն, կարող ենք նշել, որ Իրանը, եթե ոչ քաղաքական, ապա առևտրատնտեսական հարաբերությունների շնորհիվ կարողանում է եվրոպական առաջատար երկրների վրա Իրանի հարցում քաղաքական որոշումներ կայացնելու վրա մեծ ազեցություն գործել և որոշակի անկյունաքարային տեսակետներում Արևմուտքի հայացքներում երկվություն մտցնել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել