Ուրբաթ երեկոյան պորտուգալական «RTP» հեռուստաընկերությանը տված հարցազրույցում Թուրքիայի նախագահ Ռ․ Թ․ Էրդողանը հայտարարել է, որ «Իրանը մերձավորարևելյան տարածաշրջանում կարևոր պետություն է, և մասնակցության այս տարածաշրջանում առանց Իրանի ակտիվ որևէ ճգնաժամ չի կարող լուծվել»։

Եթե այս միտքը հայտնած լիներ մեկ այլ երկրի առաջնորդ, շատ նորմալ կընդունվեր, բայց երբ դրա հեղինակը հավակնոտ, նեօսմանիզմի ջատագով, ծավալապաշտական քաղաքականության վարող, շատ հաճախ hակաիրանական հայտարարություններ անող և տարածաշրջանում Իրանի նկատմամբ բացահայտ մրցակից պետության առաջնորդ Էրդողանն է, ապա մտածում ես, որ ինչ-որ մի բան այն չէ, և որ Իրանն ու Թուրքիան բարդ և միաժամանակ վտանգավոր խաղի մեջ են մտել։

Էրդողանի այս հայտարարությունը կարելի է դիտարկել Իրանի կողմից Թուրքիային Կատարի ճգնաժամում, այսպես ասած, «քարտ բլանշի» տրամադրման և արտաքուստ նախաձեռնությունը Թուրքիային զիջելու համատեքստում։

Թե ինչի կարող է հանգեցնել տարածաշրջանում երկու մրցակից պետությունների այս սիրախաղը, պարզ չէ, բայց որ պետք է ուշի-ուշով հետևել և համապատասխան հետևություններ անել այս սիրախաղից, պարզ է և պարտադիր։

#մերհարևանները
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել