Պատմության մեջ այս օրը՝ 1980թ. հունվարի 20-ին, նախագահ Ջիմի Կարտերը կոչ արեց բոյկոտել նույն թվականի ամռանը Մոսկվայում կայանալիք Օլիմպիական խաղերը: Պատճառը ԽՍՀՄ կողմից Աֆղանստան ներխուժումն էր, որը սառը պատերազմի շրջանակներում Արևմուտքի և սոցիալիստական ճամբարի երկրների հարաբերությունների էլ ավելի վատացման պատճառ էր հանդիսացել: Քաղաքակիրթ աշխարհը, միջազգային սանկցիաներից բացի, նաև այդ կերպ էր արտահայտում իր դժգոհությունը ԽՍՀՄ սանձարձակ քայլերի նկատմամբ: Ջիմի Կարտերի կոչին արձագանքեցին ևս 64 երկրներ, ովքեր ԱՄՆ-ի պես հրաժարվեցին մասնակցել օկուպանտ երկրում տեղի ունենալիք խաղերին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել