Image result for սոցցանցերԿարծում եմ՝ նոր Կառավարության անդամները, սկսած վարչապետից մինչև վերջին նախարարը ու, առհասարակ, բոլոր պաշտոնյաները, ովքեր ինտելեկտուալ առումով ի զորու են օգտվել սոցցանցերից, պետք է դա անեն ու չհամարեն դա ավելորդ զբաղվածություն կամ ժամանակի վատնում: Երբ խոսքը վերաբերում է հանրապետության մասշտաբով ինչ-որ ոլորտի ղեկավարմանը, կարծում եմ՝ անհնար է տիրապետել բոլոր խնդիրներին ու արագ լուծումներ տալ, իսկ սոցցանցերը տալիս են հնարավորություն բավականին արագ կապ հաստատելու տվյալ պաշտոնյայի հետ, ներկայացնել խնդիրն ու ակնկալել լուծում: Կոմունիկատիվ պաշտոնյաներն ավելի քաջատեղյակ են իրենց ղեկավարման բնագավառում առկա խնդիրներին ու ցանկության դեպքում հնարավորինս արագ կարողանում են վերացնել խնդիրը միայն համապատասխան հրահանգներով: Հիմա իհարկե կան մի շարք պատգամավորներ, նախարարներ, համայնքի ղեկավարներ, ովքեր բավականին արագ արձագանքում են ֆեյսբուքյան նամակներին, Tag-երին, որը շատ գովելի եմ համարում: Բազմիցս ականատես եմ եղել, թե ինչպես էArmen Ashotyan-ը նախարար եղած ժամանակ այս կամ այն օգտատիրոջ խնդրանքով անդրադառնում այնպիսի խնդիրների, ինչպիսին է օրինակ այն, որ ինչ-որ լավ սովորող ուսանող ուսման վարձի պատճառով չի կարողանում շարունակել ուսումը... Արագ լուծում է ստացել բոլոր դեպքերում: Արդարադատության նախարար Arpine Hovhannisyan-ը նույնպես արագ անդրադառնում է այն խնդիրներին, որոնք ֆեյսբուքի միջոցով հասնում են իրեն։ Անձնագրերի և վիզաների վարչության պետ Մնացական Բիչախչյանը, Դավթաշեն Համայնքի ղեկավար Руслан Багдасарян (Ռուսլան Բաղդասարյան) ջանը անգամ մանրամասն հետաքրքրվում է, թե ես ինչու եմ պատրաստվում արտագաղթել Դավթաշենից ու ինչ է հնարավոր անել դա կանխելու համար :) Մի խոսքով, հարգելի՛ նորանշանակ Կառավարության անդամներ և պետական պաշտոն զբաղեցնող պաշտոնյաներ, եղեք կոմունիկատիվ անկախ նրանից, որ դա որոշակի ժամանակ է խլում... Դրա փոխարեն Դուք ստանում եք ոչ թե կցկտուր ինֆորմացիաներ, որոնք տալիս են Ձեր ստորադասները երբեմն շատ աղավաղված ու սխալ, այլ առաջին դեմքով, կոնկրետ տեղային խնդրի մասին ինֆորմացիա, որը լուծելը ընդամենը մեկ հրահանգի խնդիր է:
Իսկ վերը նշածս պաշտոնյաներին ու նաև չնշածներին շնորհակալություն եմ հայտնում ու խնդրում իրենց գործընկերներին հորդորել հետևել իրենց, ոչ թե ԿԳ նախարար Լևոն Մկրտչյանի օրինակին, ով ոչ միայն չգրանցվեց ֆեյսբուքում, այլ բարձրաձայնեց, որ չի գրանցվել ու չի էլ գրանցվելու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել