Մահացել է իտալացի հայտնի գրող Ումբերտո Էկոն

Barometer.am-ը գրում է.

84 տարեկան հասակում մահացել է իտալացի հայտնի գրող և փիլիսոփա Ումբերտո Էկոն, գրում է Theguardian-ը:

Ումբերտո Էկոն ծնվել է 1932 թ. Իտալիայի Ալեսանդրիա քաղաքում: 1954 թ. ավարտել է Թուրինի համալսարանը, որտեղ ուսումնասիրել է միջնադարյան փիլիսոփայություն ու գրականություն:

Ումբերտո Էկոն հայտնի է որպես ամենախոշոր հետազոտողներից մեկը սեմիոտիկայի (նշանագիտության) ոլորտում, պատմաբան, ինչպես նաև "Վարդի անունը", "Ֆուկոյի ճոճանակը" և "Կղզին նախօրեին" վեպերի հեղինակ: Նա նաև արժանացել է Մեծ խաչի ասպետի և Պատվավոր լեգիոնի շքանշանների։
Էկոն համարվում է "բաց ստեղծագործության" տեսության հեղինակը, որի համաձայն ՝ ընթերցողը դառնում է ստեղծագործության համահեղինակը: