Newsline.am-ը գրում է.
Իտալիայում երկու զբոսաշրջիկներ վնասել են Հերկուսելի արձանը, նրանք ցանկացել են սելֆի նկարել արձանի հետ: Միջադեպը տեղի է ունեցել Իտալիայի Կրեմոն քաղաքում: Մայիսի 1-ի երեկոյան զբոսաշրջիկները բարձրացել են քանդակի վրա և անզգուշորեն կոտրել արձանի մարմարե թագը:
Vesti.ru-ն, հղում անելով տեղի մամուլին, տեղեկացնում է, որ տեղի իրավապահ մարմիններն արագ պարզել է իրավախախտների անձանց ինքնությունը: Վնասի չափը դեռևս չեն հաշվարկել:
Հերկուլեսի երկու քանդակներից կազմված քանդակախումբը համարվում է Կրեմոն քաղաքի խորհրդանիշը: Առասպելի համաձայն, Կրեմոնը հիմնվել է առասպելական այդ հերոսի կողմից:
Հերկուլեսի արձանը քանդակվել է 1700 թվականին և նախկինում տեղակայված է եղել քաղաքի դարպասների վրա: 1962 թվականին հուշարձանը փոխադրել են ներկայիս վայր:
Սա Իտալիայում գրանցված առաջին դեպքը չէ, երբ զբոսաշրջիկները վնասում են մշակութային արժեքները: Փետրվար ամսին հոլանդացի ֆուտբոլասերները վնասել էին Հռոմի ցայտաղբյուրներից մեկը: Վնասի չափը գնահատվել էր 5 մլն եվրո: