Newsline.am-ը գրում է.
Լյուբեկ քաղաքի հիվանդանոցներից մեկում 88 տարեկան հասակում մահացել է հայտնի գրող, նկարիչ, գրականության Նոբելյան մրցանակի դափնեկիր Հյունտեր Գրասսը:
Այս մասին հայտնում է Interfax-ը` հղում անելով գերմանական լրատվամիջոցներին:
Ապագա գրողը ծնվել է 1927 թվականին Դանցինգ քաղաքում: Երկրորդ համաշխարհային պատերազմի ժամանակ, երբ Հյունտերն ընդամենը15 տարեկան էր, իր համադասարանցիների հետ զենիթահրթիռային մարտկոցներ է լիցքավորել, իսկ հետո անցել է պարտադիր ծառայության: 1945-ին վիրավորվել է, և պատերազմի ավարտից մինչև 1946 թվականը մնացել կալանքի տակ:
Պատերազմի ավարտից հետո Հյունտեր Գրասսը ընդունվում է Դյուսելդորֆի համալսարաններից մեկի նկարչության ֆակուլտետ, այնուհետև ուսումը շարունակել է Արևմտյան Բեռլինում:
Գրեսսի առաջին վեպը` «Թիթեղյա թմբուկը» լույս է տեսել 1959-ին, որը նրան համաշխարհային ճանաչում է բերել:
Գրասսը բազմաթիվ վեպերի հեղինակ է: 72 տարեկան հասակում արժանացել է գրականության Նոբելյան մրցանակի:
Լյուբեկ քաղաքում տարիներ առաջ բացվել է Հյունտեր Գրասսի կենտրոնը, որտեղ գտնվում են Նոբելյան մրցանակակրի մի քանի նկարներն ու քանդակները։