Եվրասիական Տնտեսական միության կողմնակիցներին բերեմ ընդամենը երեք օրինակ՝ համեմատելու համար, չնայած օրինակները բազմաթիվ են ու խոսուն.
1. Այն ժամանակ, երբ մեր "եղբայր" ու "դաշնակից" Ռուսաստանը միլիարդավոր դոլլարների մասսայական ոչնչացման զենք է վաճառում հարևան Ադրբեջանին, ԱՄՆ օրենսդրությունը օրենքով արգելում է դա:
2. Ռուսաստանում ավելի շատ հայեր են ապրում, քան ԱՄՆ-ում, բայցևայնպես, ռուսական և ոչ մի մարզ կամ կառույց չի ճանաչել Արցախի անկախությունը, ի տարբերություն ԱՄՆ որոշ նահանգների:
3. Ռուսաստանը առայսօր մի դրամով անգամ չի աջակցել Արցախին, այն դեպքում, երբ ԱՄՆ արդեն իսկ 40 մլն. դոլլարի օգնություն է տրամադրել Արցախին, էլ չեմ խոսում դրամաշնորհային գումարների մասին: Միայն 5 մլն. ԱՄՆ դոլլար կծախսվի ամբողջ Արցախի Հանրապետության տարածքը մինչև 2016 թվականը ականազերծելու համար:
Կան բազմաթիվ համեմատություններ թե տնտեսական, թե քաղաքական, թե անվտանգության ոլորտներում : Դրանցից գրեթե ոչ մեկը չի խոսում ի նպաստ ԵՏՄ-ի կամ որ նույնն է՝ Ռուսաստանի: Սերժ Սարգսյանի կողմից ստորագրված փաստաթուղթը հակասահմանադրական է, ապազգային ու հակապետական: Նման գործելաոճը լիովին բնորոշ է 20-րդ դարի սկզբին բոլշևիկների հակապետական ու ազգադավաճան գործունեությանը:
