Hraparak.am-ը գրում է․
Իրանի պահապանների կորպուսի հրամանատար, գեներալ Սարդար Մոհամմադ Փաքփուրն այցելել է Հայաստանի և Ադրբեջանի հետ սահմանային գոտի։ Այդ մասին փոխանցում են իրանական լրատվամիջոցները։
Բարձրաստիճան ռազմական գործիչը զրուցել է զինվորականների հետ, գնահատել նրանց մարտական պատրաստվածության մակարդակն ու բարոյական տրամադրվածությունը։
«Պաշտպանության անվտանգության հարցը չգիտի ցուրտ, շոգ, տոնական և աշխատանքային օրեր: Մենք պետք է լինենք հնարավորինս զգոն և պատրաստված։ Միշտ ուշադիր եղեք այս հարցերին»,- ասել է նա՝ դիմելով զորքերին։
Հիշեցնենք, որ նախօրեին Սենատում լսումների ժամանակ ԱՄՆ պետքարտուղար Էնթոնի Բլինքենը հայտարարել էր, որ Վաշինգտոնը կպաշտպանի Ադրբեջանին՝ Իրանի հետ սահմանին հնարավոր կոնֆլիկտի դեպքում։
Նյութի աղբյուր՝ https://hraparak.am/post/a7a3bc00f31b00325ce6e6111ef9de45
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
