Ծառուկյանի մարզասրահի շենքը համայնքին վերադարձրած Ավինյան Տիկոյին հարց են տվել՝ ինչո՞ւ, օրինակ,  քաղաքապետարանը չի ձեռնահարում նույն Գռզոյի կամ մյուսների օբյեկտները՝ Օղակաձև այգում, եթե իսկապես տեղի ունեցողում ոչ մի քաղաքական ենթատեքստ չկա, ինչին ի պատասխան Տիկոն համոզմունք է հայտնել, որ վերջին 4 տարում իրենք ապացուցել են, որ որևէ մեկի անունն  իրապես նմանատիպ հարցերում էական չէ. բարեկարգելիս խտրականություն չեն դնում, և եթե պետք է լինում, քանդում են:
 
Տիկոն գուցե սրտի խորքում մեծ սիրով կքանդեր Գռզոյի օբյեկտները՝ նկատի ունենալով նրա հետ ունեցած հարաբերությունների բնույթը, բայց չի կարող. քանի՞ գլուխ ունի, որ դիպչի մի բանի, որի փլատակների տակից դուրս գալ չի կարող. Գռզոն հո Նիկոլի սիրուն աչքերի համար չի մտել ՔՊ՝ սեփական անունը պախարակելով ու ստորագրելով այն ամենի տակ, ինչ որ Նիկոլն է արել ու անում: Գռզոն հսկայական բարոյական վնասներ է կրել՝ իր անունը Նիկոլի հետ կապելով՝ակնկալելեվ, սակայն, փոխհատուցու դրա դիմաց:
 
Տիկոն, իհարկե, այլ բան չէր էլ կարող ասել, բայց հարցն այստեղ նրա խոսքի՝ հասարակության վրա թողած ազդեցությունն է.  այն համոզիչ կլիներ միայն այն դեպքում, եթե նույն սկզբունքով վերացվեին նաև իշխանությանը մոտ կանգնած գործարարների կամ ազդեցիկ անձանց բոլոր վիճահարույց օբյեկտները, որոնք բավական շատ են: Երբեք չեն անի. կապիտալի վերաբաշխման են գնում, Գռզոյի օբյեկտնե՞րն են քանդելու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել