Հարցին՝ ինչո՞ւ եք այսքան մեծ շուքով Քաղաքացու օրը նշում, Պապոյան Գևորը պատասխանել է՝ ասելով՝ որովհետև ժողովրդին սա դուր է գալիս: «Եթե էս փողոցում հազարավոր մարդիկ կան, դա նշանակում ա՝ ճիշտ ենք արել: Էն ինչ որ ժողովրդին դուր ա գալիս, էն, ինչ որ ժողովրդի համար ա, ուրեմն ճիշտ ենք արել»,-հայտարարել է Գևորը:

Գևորը մի քանի հազար բերովի ամբոխին փորձել է մատուցել որպես ազգ ու ժողովուրդ: Այո, ցանկացած հասարակության ներսում կարող է գտնվել շատ չնչին տոկոս, որն իշխանությունների ցանկացած քայլի հետ համաձայն է: Սովորաբար դրանք այն մադկ են, որոնք կա՛մ անմիջապես տվյալ իշխանության մեջ են, կա՛մ աֆիլացված են իշխանության մեջ գտնվողների հետ: Ամիրյանի «քեֆը», սակայն, որ ակնհայտորեն շինծու էր, չի կարող համարվել ժողովրդի կամարտահայտման յուրատեսակ դրսևորում, և ոչ մի ՔՊ-ական չի կարող այդ արկածախնդրությունը որպես հասարակության պահանջմունք մատուցել անգամ այն դեպքում, եթե խնդիր կա՝ ամռանը կայանալիք ընտություններում սպասվող թվանկարչությունը լեգիտիմացնելու. ուզում են ապացուցել, թե իրենց մեջքի հետևում ժողովուրդ ունեն, որպեսզի ինչ թիվ էլ վրձնեն, մարսեն:

Չի ստացվելու. նկարչությամբ զբաղվեցին թե չէ, հեղափոխություն են ստանալու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել