Ընդդիմադիր դաշտում քաղաքական հրադադարի առաջարկությամբ հանդես եկող Թևանյան Անդոն հասկացրել է, որ իրենք մտադիր են 2026-ին գնալ Գյումրիի ընտրությունների սցենարով, ըստ որի՝ Նիկոլի դեմ դուրս է գալիս ոչ թե մեկ ընդհանուր ընդդիմադիր ճակատ, այլ մի քանի ընդդիմադիր ուժ, որի արդյունքում տեղի է ունենում իշխանափոխություն: Անդոն համոզմունք է հայտնել, որ այդ մոդելը կաշխատի նաև համապետական ընտրությունների դեպքում, քանի որ, ըստ նրա, Նիկոլի վարկանիշն ընդամենը մի 10% է:
Անդոն, որ նաև ընդունել է, որ այդ 10%-ից զատ Նիկոլն ունի հսկայական վարչական ռեսուրս, բավական լավատեսական կարծիք է հնչեցրել՝ հաշվի չառնելով այն, որ իրենց կողմից անցկացվող հարցումները հիմնականում տեղի են ունենում Երևանում. մարզերում գրեթե հարցումներ չեն անցկացվում, իսկ հայտնի է, որ Նիկոլի հիմնական ընտրազանգվածը բնակվում է գյուղերում ու փոքր քաղաքներում: Այսինքն Գյումրիի մոդելը մեծ հավանականությամբ կարող է և չաշխատել համապետական ընտրություններում՝ հաշվի առնելով հատկապես այն, որ ՔՊ-ն ինչ-որ իմաստով իմունիտետ է ձեռք բերել ու կատարվածից հետևություններ արել:

Մյուս կողմից՝ կանգնել ու բացառել ընտրակեղծարարությունները մի իրավիճակում, երբ դրված է լինելու Նիկոլի ոչ միայն իշխանության, այլև ֆիզիկական գոյության հարցը, միամտություն է ու ինքնախաբեություն. վարչական ռեսուրս+գյուղացիություն+քաղաքաբնակ նիկոլոիդներ+ընտրակեղծիքներ=իշխանություն՝ հաշվի առնելով նամանվանդ Արևմուտքի բարեհաճությունն ու այն, որ ընտրություններին հիմնական որակում տվողը լինելու է հենց այդ բևեռը, որն այստեղ ոչ թե հայկական դեմոկրատիայի կայացման, այլ Թուրքիայի առաջմղման հարցն է լուծում դեպի Արևելք:
Այս իրավիճակում մի ելք կա՝ Նիկոլի հարցերը մինչև 2026-ը լուծելը, իսկ դա միայն հնարավոր է իմպիչմենտի միջոցով, որն Անդոն որակում է՝ մանր խուլիգանություն:
Որակում է, որովհետև եթե ճիշտն ասի, «վոինը» փողը կկտրի, իսկ փող Անդոն շատ է սիրում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել