Պարզվում է՝ Բորիկին կասկածելի է թվացել այն, որ Սերժ Սարգսյանի քաղաքական թիմն աջակցում է Սամվել Կարապետյանին. նա հարց է բարձրացրել՝ ինչո՞ւ են նրանք դա անում, անում են, որ օգնե՞ն Կարապետյանին, թե՞ որ նրա կողմից նոր քաղաքական բևեռ չձևավորվի, որ խանգարեն նրան: Բորիկը համոզմունք է հայտնել, որ երկրորդ տարբերակն է համապատասխանում իրականությանը:
Բորիկն այլ բան չէր էլ կարող ասել, քանի որ «վոինի» կողմից սնուցվող կեղտոտ պրոպագանդան իրողությունների աղավաղում է ենթադրում, այլ ոչ թե օբյեկտիվ վերլուծություն, ամեն գնով Սարգսյանին վնասելու ու փնովելու պարտականություն: Բորիկն էլ փորձում է արդարացնել իր գոյությունը համապատասխան քաղաքական թևի առաջ՝ պարբերաբար երկնելով ֆանտաստիկ ստեր:
Հետաքրքիր է՝ եթե ի աջակցություն Կարապետյանի կայացած երթին Սարգսյանի աջակիցները կամ թիմակիցները չմասնակցեին, Բորիկն ի՞նչ էր ասելու: Ասելու էր, որ Սարգսյանը փորում է Կարապետյանի տակը ու նախանձում, չէ՞: Հիմա մարդիկ մասնակցել են, ցույց են տվել իրենց դիրքորշումն ու չեն դադարում անընդհատ կրկնել, որ միայն մի նպատակ ունեն՝ Նիկոլի հեռացումը՝ պատրաստ լինելով աջակցել ցանկացած մեկին, ով կկարողանա «ձեռնոց նետել» Բորիկի սրտի օլիգարխ Գռզոյի քաղաքական հովանավորին: Գործնական ապացույցներն էլ բոլորի աչքի առաջ են. չի եղել Նիկոլի դեմ որևիցե փողոցային շարժում, որին Սարգսյանի քաղաքական թիմն իր ռեսուրսներով ակտիվ մասնակցություն չունենա:

Իրականում որքան շատ փորձեն Սարգսյանին բորիկները վնասել, այնքան ավելի է բարձրանալու ՀՀԿ-ի ռեյտինգը, իսկ Գռզոյին շողոքորթել սիրող Բորիկին փող տվողների վիճակն ավելի է վատանալու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել