Պնդելով, որ պաշտոնապես հրապարակված դատական ակտի ուժով անվավեր է համարվում կարմիր ու կապույտ կետագծերով նշված կայանատեղիներում կայանման վճարների թանկացումը՝ Թևանյան Անդոն հայտարարել է, որ քանի դեռ բողոքարկումը տեղ չի հասել, վարորդները կայանել կարող են անվճար. ավագանու կողմից սահմանված համապատասխան որոշումը դատարանը ճանաչել է անվավեր, և քանի դեռ առաջին ատյանի վարչական դատարանի որոշումը չի բեկանվել, բեկանումն էլ օրինական ուժի մեջ չի մտել, թանկացումները համարվում են չեղարկված: Անդոն քաղաքացիներին առաջարկել է տուգանվելու դեպքում դիմել «Մայր Հայաստանին»՝ ստանալու բողոքարկման դիմելու ձևը, իսկ եթե դա արդյունք չտա, դիմել դատարան՝ բողոքարկելու քաղաքապետարանի որոշումը: Դատարանում նույնպես, ըստ Անդոյի, Մայր Հայաստանը պատրաստ է քաղաքացիներին ցուցաբերել իրավական աջակցություն: Անդոն միաժամանակ հույս է հայտնել, որ այս ամենը կկրի զանվածային բնույթ:

Պետք է հասկանալ, թե որն է Անդոյի իրական նպատակը: Նատակը բացառապես քաղաքական է ու նեղանձնային. ուզում են, որ հազարավոր քաղաքացիներ հոգեբանական կախվածության մեջ ընկնեն իրենց քաղաքական ոժից, համագործակցեն, տան-առնեն, իրենց հետ միասին հաղթեն ու հաղթվեն, որպեսզի կապ առաջանա քաղաքացու ու իրենց միջև: Անդոյին,սակայն, չի քորում այն, թե այդ բոյկոտի վերջնարդյունքում ինչ կլինի վարորդների հետ, Անդոյին պետք է աչքի ընկնել ինչ-որ կերպ, որպեսզի ընտրությունների գնալիս հաղթելու շանսերը մեծ լինեն ու գոնե մի քանի հոգի իրեն ճանաչեն:

Բայց արդյոք Անդոյի կոչը լայն արձագանք կստանա՞, դժվար է ասել, շատ մեծ հավանականությամբ՝ ոչ: Նախ՝ Հայաստանը բնավ օրենքի երկիր չէ, ու ոչ մի դատարան չի կարող ազդել Ավինյան Տիկոյի գրպանի պարունակության վրա, ապա՝ մեծ հարց է այն, թե որքանով կվստահեն քաղաքացիներն Անդոյին կամ արդյոք զահլա կանեն մտնել կասկածելի քաշքշուկների մեջ, թե՝ոչ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել