Tert.am-ը գրում է․
Ուկրաինայի նախագահ Վլադիմիր Զելենսկին կարծում է, որ Ուկրաինան պետք է մասնակցի Հաագայում կայանալիք ՆԱՏՕ-ի գագաթնաժողովին, և հրավերի բացակայությունը կնշանակի «Պուտինի հաղթանակը ՆԱՏՕ-ի նկատմամբ»։ Ինչպես հաղորդում է «Եվրոպական պրավդան», նա այս մասին ասել է Բեռլինում Գերմանիայի կանցլեր Ֆրիդրիխ Մերցի հետ համատեղ մամուլի ասուլիսում։
Զելենսկուն հարցրել են այն մասին, թե արդյոք նրան հրավիրել են գագաթնաժողովին, և ինչ պայմաններում նա այն հաջող կհամարի Ուկրաինայի համար:
Զելենսկին պատասխանել է, որ գործընկերներից ազդանշաններ է ստացել Ուկրաինայի մասնակցության վերաբերյալ, և որ ակնկալում է անկեղծ զրույց:
«Կարևորն այն է, թե ինչպիսի մասնակցություն կլինի այս գագաթնաժողովին և ինչ արդյունք կունենա Ուկրաինայի համար մասնակցությունը։ Իմ կարծիքով, եթե Ուկրաինան ներկա չլինի ՆԱՏՕ-ի գագաթնաժողովին, ապա դա կլինի Պուտինի հաղթանակը, բայց ոչ թե Ուկրաինայի, այլ ՆԱՏՕ-ի նկատմամբ։ Հետևաբար, որոշումը գործընկերներինն է»,-ասել Է Վլադիմիր Զելենսկին։