Արձանագրենք՝ Լուկաշենկոն տրտնջացել է, թե եթե Սերժ Սարգսյանը 5 մլրդ-ով ծախեր հողերը, այսօր իրենց գլուխը շատ ավելի հանգիստ կլիներ: Քանի որ այսօր Հարավային Կովկասը Հյուսիսի համար վերածվել է պրոբլեմատիկ տարածաշրջանի, ուստի մեղավորը Սարգսյանն է, այլ ոչ թե Նիկոլը, որ այս իրավիճակում ընդամենը զոհ է՝ զոհը Սերժ Սարգսյանի:
Հայաստանում, գաղտնիք չէ, հակառուսական տարամդրությունները հասել են իրենց պատմական պիկին: Ոմանք դա հանմարում են Լուկաշենկոյի սիրելի Նիկոլի կողմից վարվող քարոզչական-տեղեկատվական քաղաքականության հետևանք, ոմանք՝ օբյեկտիվ իրողությունների արգասիք: Անկախ ամեն ինչից, անկախ նրանից՝ որ մի տարբերակն է ավելի ռեալիստական, պետք է արձանագրել, որ լուկաշենկոների կողմից հաճախ հնչող նմանօրինակ հայտարարությունները ջուր են լցնում տարածաշրջանում Մոսկվայի աշխարհաքաղաքական մրցակիցների ջրաղացին. Արևմուտքի է՛լ ինչին է պետք այստեղ փող ծախսել հակառուսկան քարոզչության վրա,եթե կա բածկան,որ իր արդյունավետությամբ գերազանցում է բոլորին:
Նիկոլին անմեղ հռչակելը, իհարկե, պատահական չէ. ներկայումս Հյուսիսին, ըստ էության, ձեռնտու է Նիկոլը, քանի որ խնդիր ունեն թուքերի հետ քիրվայության ճանապահին չեզոքացնել հայկական գործոնը: Օտարներին Սերժ Սարգսյան պետք չէր, նրանց պետք չէր հողերը պահող մեկը, այլ՝ Նիկոլ էր պետք, որ ցանկացած գնով պետք է վերականգներ դաշնակից Ադրբեջանի տարծքային ամբողջականությունը:
Երբեք մաքսիմալիստական հայացքներ չունեցած Սերժ Սարգսյանին փնովող ու տխմար Իլհամին «խելքի տիկ» հռչակող Լուկաշենկոյի խոստովանութունը, սակայն, մեկ այլ կողմից էլ է ուշագրավ. նա իր հայտարարությամբ բերանները փակում է բոլոր այն մոլորյալների կամ սրիկաների, որոնք դեռ կարծում են կամ աքարոզում են, որ Սերժ Սարգսանն է իրականում համաձայնվել հակամարտության կարգավորման այս սցենարին՝ բերելով «հարիֆ» Նիկոլին:
Եթե այդպես լիներ, այսօր Լուկաշենկոն ոչ թե կփնովեր, այլ կփառաբաներ Սարգսյանին:
Նյութի աղբյուր՝ https://t.me/armeniainfo11/2583
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
