Armsport.am-ը գրում է.
Եվրո-2024-ի ընտրական փուլում Հայաստանի ազգային հավաքականը Ռիգայում մրցում է Լատվիայի թիմի դեմ։ Առաջին խաղակեսից հետո Ալեքսանդր Պետրակովի գլխավորած թիմը պարտվում է 0։1 հաշվով։
Թիմերն ակտիվ սկսեցին խաղը։ 7-րդ րոպեին Վարազդատ Հարոյանը կենտրոնում սայթաքեց կորցրեց գնդակը, սակայն Հայաստանի հավաքականի ավագտ հասցրեց ժամանակին փրկել հյուրերի վտանգավոր գրոհը։ Վայրկյաններ անց Տիգրան Բարսեղյանը խորքից լավ փոխանցում ստացավ ու մեն-մենակ մնաց մրցակցի դարպասապահի հետ, սակայն վերջինս կարողացավ ոտքերով պահել գնդակը։
26-րդ րոպեին տանտերերը մոտ էին հաշիվը բացելուն, սակայն հուսալի գործեցին մեր պաշտպանները։ Մեկ րոպե անց հաշիվը բացելու լավ շանս ուներ Հայաստանի հավաքականը, սակայն Տիգրան Բարսեղյանը վրիպեց նպաստավոր դիրքից։
39-րդ րոպեին տանտերին հաջողվեց գրավել Չանչարևիչի դարպասը։ Աջ եզրից ստացած փոխանցումը եզրափակեց Իկաունիեկսը։
Թիմերն ընդմիջման գնացին 1։0 հաշվով։