Armenpress.am-ը գրում է.

Ադրբեջանի մարդու իրավունքների պաշտպան Սաբինա Ալիևան այցելել է Լեռնային Ղարաբաղի նախկին պետնախարար Ռուբեն Վարդանյանին, որին Բաքուն ձերբակալել և կալանավորել է՝ առաջադրելով կեղծ մեղադրանքներ։

Ինչպես հաղորդում է «Արմենպրես»-ը, այս մասին հայտնել է ադրբեջանական APA գործակալությունը։

Նշվում է, որ այցի ընթացքում Ռուբեն Վարդանյանին հնարավորություն է ընձեռվել կապ հաստատել ընտանիքի անդամների հետ։

Հաղորդագրության մեջ նաև ասված է, որ հետաքննության ընթացքում Ռուբեն Վարդանյանի իրավունքները կպաշտպանի նրա ընտանիքի կողմից ընտրված փաստաբանը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել