Թուրքիայի նախագահ Ռեջեփ Էրդողանի երդմնակալության արարարողությունը մեկնարկելու է Երևանի ժամանակով ժամը 18։00-ին Անկարայի նախագահական նստավայարում:
Թուրքական կողմի հրավերով՝ Անկարա է մեկնում նաև վարչապետ Նիկոլ Փաշինյանը:
Առաջին անգամն է, որ Հայաստանը մասնակցում է պետության ղեկավարի մակարդակով։ Անկախ Հայաստանի պատմության մեջ Հայաստանը Թուրքիայի նախագահի երդմնակալությանը մինչ այս միայն մեկ անգամ է մասնակցել՝ 9 տարի առաջ 2014-ի օգոստոսի 28-ին՝ արտգործնախարարի մակարդակով։
Ադրբեջանի նախագահը նույնպես մասնակցելու է Էրդողանի երդմնակալության արարարողությանը, սակայն Փաշինյան-Ալիև հնարավոր հանդիպման մասին չի հաղորդվել:
Փաշինյանն ու Էրդողանն առաջին անգամ հանդիպել են 2022-ի հոկտեմբերի 6-ին Պրահայում։ Երկու երկրների առաջնորդները Չեխիայում էին՝ մասնակցելու Եվրոպական քաղաքական համայնքի առաջին գագաթնաժողովին։
