Բաքուն կրկին առաջարկել է իր տարածքում հանդիպել ԼՂ հայերի հետ

Ադրբեջանի նախագահի աշխատակազմը առաջարկել է ԼՂ հայերին, «որպես մարտի 1-ի հանդիպման և մարտի 13-ի հրավերի շարունակություն, հանդիպել Բաքվում»:

«Որպես մարտի 1-ին կայացած հանդիպման և մարտի 13-ին ներկայացված հրավերի շարունակություն, Ադրբեջանի նախագահի աշխատակազմը ևս մեկ անգամ առաջարկում է հանդիպում անցկացնել Բաքվում ապրիլի առաջին շաբաթվա ընթացքում՝ քննարկելու վերաինտեգրումը, ինչպես նաև Ղարաբաղում ենթակառուցվածքային ծրագրերի իրականացման հարցը»,- նշվում է Ադրբեջանի նախագահի աշխատակազմի տարածած տեղեկատվության մեջ։