Armenpress.am-ը գրում է.

Թուրքիայում և Սիրիայում ավերիչ երկրաշարժից հետո Եվրամիությունը մտադիր է 6,5 մլն եվրո օգնություն տրամադրել։ «Արմենպրես»-ի հաղորդմամբ՝ այս մասին հայտնում է gazeta կայքը՝ հղում անելով Եվրահանձնաժողովի տարածած մամուլի հաղորդագրությանը։

«Հանձնաժողովը հայտարարում է Սիրիային 3,5 մլն եվրոյի չափով մարդասիրական օգնության տրամադրման մասին»,-նշվում է հաղորդագրության մեջ:

Թուրքիա կուղարկվի նմանատիպ նյութական դոտացիա ՝ 3 մլն եվրոյի չափով։

Հաղորդագրության համաձայն ՝ այդ միջոցները կարիքավոր մարդկանց կօգնեն ապաստարաններ, ջուր, սնունդ, հիգիենայի միջոցներ ձեռք բերել, ինչպես նաև եվրոպական ֆինանսական աջակցությունը թույլ կտա իրականացնել որոնողափրկարարական գործողություններ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել