«Լուսավոր Հայաստանն» իշխանության հետ այլևս հուշագիր չի կնքի: Այս մասին լրագրողների հետ զրույցում ասել է խմբակցության ղեկավար Էդմոն Մարուքյանը:

«Այս փուլում մեր ներկայացրած առաջարկն այլևս ուժի մեջ չէ», - նշեց պատգամավորը:

Նա միաժամանակ հայտնել է, որ արտահերթ ընտություններն իրենց օրակարգում են։

Հիշեցնենք, որ մինչ այս Մարուքյանն առաջարկել էր Նիկոլ Փաշինյանին նախագահականից հետ վերցնել ԳՇ պետ Օնիկ Գասպարյանին ազատելու մասին որոշումը, փոխարենը խոստանալով հուշագիր ստորագրել իշխանության հետ, համաձայն որի՝ վարչապետի հրաժարականի դեպքում «Լուսավոր Հայաստանը» վարչապետի սեփական թեկնածու չի առաջադրի։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել