Այս տարվա հունվարի 27-ին մեր պետության ֆինանսական վիճակի մասով կարևոր տեղակատվություն տարածվեց, սակայն ներսի լրատվականների աչքից կարծես թե վրիպեց դա: Պաշտոնական տեղեկատվություն էլ կարծես չկա:
Մասնավորապես, աշխարհի ֆինանսական անցուդարձով զբաղվող Global Cpital լրատվականը հայտնեց, որ Հայաստանը 750 միլիոն դոլարի նոր 10 տարանոց պարտատոմս է թողարկել շուրջ 3.9% արժողությամբ:
Սրան անդրադարձ է կատարել նաև Renaissance Capital-ի գլխավոր տնտեսագետը` զարմանք հայտնելով թե ինչպես է, որ Հայաստանը պարտվում է Ադրբեջանին, սակայն նրան հաջողվում է այս ծավալի և այս գնով պարտատոմս թողարկել: Իրականում մեր պետության ռիսկը շատ ավելի մեծ է քան դրան նշանակություն տվել են ներդրողները. Սրանում է զարմանքը:
Սրանով հանդերձ, գլխավոր հարցերը ինձ համար հետևյալն են:
Ի՞նչ են անելու այս գումարի հետ: Մենք պետությու՞ն ենք, թե ինչ որ մեկի «դուքյանը», ինչու՞ հանրությունը տեղյակ չէ, թե իր անունով այսքան մեծ պարտքը ինչու են վերցրել և ինչ են անելու դրա հետ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել