Հարավային Կորեայում Mercedes-Benz-ին, Porsche-ին և Nissan-ին կտուգանեն ռեկորդային գումարով: Այս մասին հայտնում է Xinhua լրատվական գործակալությունը:

Ավտոմեքենաները կեղծել են դիզելային մեքենաների արտանետումների ցուցանիշները: Միևնույն ժամանակ՝ Mercedes-Benz-ի տուգանքի չափը ռեկորդային է: Ընկերությունը ստիպված կլինի վճարել 63.4 միլիոն դոլար:

2012-2018 թվականների ընթացքում գերմանական ավտոարտադրողը կեղծել է իր մեքենաների վնասակար արտանետումների մասին տվյալները: Ցանկում ներառված են 12 մոդելների 37 հազար մեքենա:

C 200 d, GLC 220 d 4MATIC, GLC 250 d 4MATIC և ML 250 BlueTEC 4MATIC մոդելները 13 անգամ ավելի շատ են արտանետում վնասակար մասնիկներ, քան պահանջվում է ստանդարտով:

Porsche-ն և Nissan-ը կվճարեն համապատասխանաբար 817.3 և 735.6 հազար դոլար տուգանք:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել