Փաշինյանը երեկ ընտանիքով գնացել ա Արցախի Ari Resort, հաց ա կերել, հաշիվն ուզել ու տեսել ա, որ ՀԴՄ չկա։ Պահանջել ա կտրոնը, աշխատակիցները տեղեկացրել են, որ փորձում են տպել, բայց սարքը չի աշխատում։ Էլի մի որոշ ժամանակ սպասել ա, բայց սարքը չի կարգավորվել։ Էն իրա լաչառ ձևով աղմուկ ա բարձրացրել, ու թե բա՝ դուք զինվորի հացն եք ուտում։ Այսօր էլ գրառում ա արել այդ դեպքի մասին, որտեղ նշել ա, որ ՀԴՄ սարքի հետ նման խնդիր լինում ա, երբ աշխատակիցները կտրոն տպելու փորձ չեն ունենում (ակնարկելով, որ էդ ռեստորանը առհասարակ ՀԴՄ չի տրամադրում)։

Հիմա ռեստորանը պատկանում ա Արշակ Զաքարյանին, ում հանդեպ, անկեղծ ասած, անձնական հակակրանք ունեմ, արդեն չեմ էլ հիշում՝ ինչի հետևանքով է այն առաջացել, ԲԱՅՑ միանշանակ է այն, որ էս մարդը բանակի համար լիքը-լիքը բան ա արել․ հիշում եմ՝ տարիներ առաջ գումար, տեխնիկա էր հավաքում, գիշերային տեսողության սարքեր, օպտիկաներ և այլն ու ուղարկում այդ ամենն Արցախ։ Բացի այդ՝ մեկն ինձ համար ակնհայտ է, որ նման տեղում ռեստորան կառուցելն առաջին հերթին սոցիալական նախագիծ է և միայն հետո՝ բիզնես։ Արշակն էլ քայլառաստների ու հենց Նիկոլի դեմ հրապարակումներով է հաճախ հանդես գալիս, լսարան էլ ունի, ուստի Նիկոլը մեծ հավանականությամբ գիտակցված է ստեղծել այս միջադեպը։

ՀԴՄ-ն կես ժամ հետո ուղարկել են «Վայբեռով», պարզվել ա, որ ֆիքսված հարկ ա վճարում ռեստորանը, ու ՀԴՄ կտրոն չտպելու իմաստ չկա, էլ չեմ ասում, որ պիտի ծայրահեղ դեգեներատ լինես, որ հենց Նիկոլին չտրամադրես կտրոնը։ Ինչ վերաբերում է այն ակնարկին, թե ռեստորանն առհասարակ չի տրամադրում ՀԴՄ, ուզում եմ հարցնել՝ բա դեկտեմբերի 1-ին, երբ կրկին այդտեղ հաց էիր ուտում, էդ ժամանակ էլ չե՞ն տվել կտրոն։ Եթե չեն տվել, էն անգամ ինչի՞ աղմուկ չբարձրացրիր, իսկ եթե տվել են, ապա ինչո՞ւ ես սուտ ակնարկներ անում ու ինչո՞ւ ես քո դասալիք հալով բանակի համար լիքը բան արած տղերքին ասում «զինվորի հաց ուտող»։ Չե՞ս ամաչում, արա...

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել