Մարդիկ շատ տարբեր են: Մենք տարբերվում ենք բնավորությամբ, սովորություններով և խառնվածքով: Հոգեբաններն ասում են, որ անհատի տեսակը որոշվում է հոգեբանական կարգավորումների հիման վրա: Մեզանից յուրաքանչյուրն արժեքների, սովորությունների և բարոյական նորմերի յուրահատուկ համալիր ունի:

Սակայն կան մարդիկ, ովքեր նման չեն մեծամասնությանը: Եթե մարդն ունի բնավորության հետևյալ գծերից որևէ մեկը, ապա նրան կարելի է համարել յուրահատուկ: Կարլ Յունգն այսպիսի մարդկանց անվանում էր բացառիկ մարդիկ:

Ցանկանո՞ւմ եք իմանալ, թե մարդկանց որ բացառիկ տեսակի մեջ եք մտնում: Ուշադրություն դարձրեք այն գծերի վրա, որոնք բնորոշ են բացառիկ մարդկանց:

  1. Նրանք կարող են հստակ նպատակներ դնել իրենց առջև և կանոնակարգված կերպով գնալ դրանց իրագործման ճանապարհով: Այսպիսի մարդիկ պատրաստ են շատ աշխատել, որպեսզի հասնեն հաջողության: Նրանք կարճ և խորամանկ ուղիներ չեն փնտրում:
  2. Այսպիսի մարդիկ միշտ ձգտում են կենտրոնանալ կարևոր երևույթների վրա և երբեք չեն շեղվում երկրորդական հարցերով: Անգամ եթե ճակատագիրն այդքան էլ բարեհամբույր չէ նրանց հանդեպ, միևնույն է, նրանք կարողանում են կյանքը սովորական հունի մեջ դնել: Նրանք պահպանում են իրենց հանգստությունը և ինքնատիրապետումը:
  3. Այս տեսակի մարդիկ ունեն զարգացած ինտուիցիա, ինչի շնորհիվ խուսափում են վտանգավոր և վիճահարույց իրավիճակներից: Ուղղակի նրանք նախօրոք զգում են, որ ինչ-որ բան է տեղի ունենալու: Այս տաղանդը նրանց մոտ ի ծնե է:
  4. Այսպիսի մարդիկ արդարության բարձր զգացում ունեն: Նրանք ամեն գնով պատրաստ են հասնել ճշմարտությանը, պաշտպանում են թույլերին և հանուն արդարության անտեսում են սեփական շահերը:
  5. Նրանք քիչ ընկերներ ունեն: Նրանք մի քիչ փակ են և չեն սիրում աղմկոտ երեկույթները: Փոխարենը նրա շուրջ հավաքված ընկերներն իրական են:
  6. Մի փորձեք խաբել նրանց: Այս տեսակի մարդիկ հեշտությամբ կարդում են ուրիշներին: Նրանք հեռավորության վրա զգում են սուտը:
  7. Այսպիսի մարդկանց վարքը երբեմն կարող է անկանխատեսելի թվալ: Նրանց տրամադրությունն ակնթարթորեն կարող է փոխվել: Նման մարդիկ իրենց կարող են թույլ տալ կտրուկ փոփոխություններ, որոնք որևէ լուրջ բարդություն չեն ստեղծի շրջապատող մարդկանց համար:
  8. Նրանք հաճույք են ստանում միայնությունից: Այսպիսի մարդկանց երջանիկ լինելու համար ընկերակցություն պետք չէ: Նրանք կարողանում են միայնակ շատ լավ ժամանակ անցկացնել:
  9. Այսպիսի մարդիկ նախընտրում են իրենց մտքերն արտահայտել գրավոր եղանակով: Նրանց համար իսկական հաճույք է օրագիր, բլոգ կամ սոցիալական էջ վարելը և նամակներ գրելը:
  10. Նրանք ցանկացած խնդրի համար շատ հեշտ լուծումներ են գտնում: Շնորհիվ մանրունքները նկատելու բացառիկ հատկության և զարգացած տրամաբանության՝ նրանք հեշտորեն կարող են որոշել, թե ինչն է սխալ ընթանում, և վերացնել այդ խնդիրը:

Բնավորության գծերի այս ցանկից քանի՞սն ունեք դուք: Երբևէ հանդիպե՞լ եք ամենաբացառիկ տեսակի մարդկանց:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել