Մահացել է «Սեքսը մեծ քաղաքում» հեռուստասերիալի դերասանուհին

Ամերիկացի դերասանուհի Սիլվիա Մայլզը մահացել է 94 տարեկան հասակում, հաղորդում է TMZ-ն:

Դերասանուհին մահացել է Նյու Յորքում, շտապօգնության մեքենայում, հիվանդանոցի ճանապարհին: Նա բժիշկներին է դիմել շնչառական խնդիրների պատճառով: Մահվան մանրամասները չեն բացահայտվում:

Մայլզը երկու անգամ առաջադրվել է «Օսկար» մրցանակի «Երկրորդ պլանի լավագույն դերասանուհի» անվանակարգում «Կեսգիշերային կովբոյ» և «Մնաս բարով, իմ գեղեցկուհի» ֆիլմերի համար: Նա նաև նկարահանվել է «Սեքսը մեծ քաղաքում» և «Կյանքը Մարսի վրա» հեռուստասերիալներում: Նրա կարիերայի վերջին գեղարվեստական ֆիլմը «Wall Street: Money Never Sleeps» դրաման էր՝ Մայքլ Դուգլասի և Շայա Լա Բաֆի մասնակցությամբ: