Համեմունքները սկսել են օգտագործվել հազարավոր տարիներ առաջ։ Նրանք ոչ միայն փոխում են ճաշատեսակների համը, այլ նաև հատկապես ձմռանն օգնում են մեր օրգանիզմին։
Ցուրտ եղանակին շատ կարևոր է հոգ տանել առողջության մասին և սննդակարգի մեջ ավելացնել այնպիսի մթերքներ, որոնք կօգնեն պահպանել օրգանիզմի իմունային համակարգը։ Այս հարցում ձեզ շատ կօգնեն համեմունքները։
Իմբիր
Իմբիրն ունի հակամանրէային հատկություններ։ Այն կարելի է օգտագործել ձկնային ուտեստների և թեյի հետ։
Դարչին
Դարչինը շատ մարդկանց ամենասիրելի համեմունքն է։ Այն ճաշատեսակին տալիս է զարմանալի համ, օգնում է պայքարել վարակների դեմ, ունի հակաբակտերիալ հատկություններ։ Այն կարելի է ավելացնել խնձորի պիրոգի և տարբեր տեսակի սուրճերի մեջ։
Խնկածաղիկ
Խնկածաղիկն իտալացիների սիրելի համեմունքն է։ Նրանք այն ավելացնում են պաստայի, պիցցայի և աղցանների մեջ։ Այն ունի հակավարակային հատկություն և կարգավորում է իմունային համակարգը։
Հիլ
Այս համեմունքը իմունիտետը բարձրացնելու շատ լավ միջոց է։ Այն նաև շատ լավ հակաօքսիդանտ է։ Նախատեսված է ձկնային ճաշատեսակների և թխվածքների համար։
Քրքում
Քրքումն ամենաօգտակար համեմունքներից մեկն է։ Այն օգնում է պայքարել վիրուսների դեմ, ինչպես նաև ակտիվացնում է օրգանիզմի պաշտպանական հատկությունները։ Քրքումն ավելացնում են մսային ճաշատեսակների, ձկների և բանջարեղենի վրա։
Հազրեվարդ
Հազրեվարդը թույլ է տալիս բարձրացնել վիրուսների հանդեպ օրգանիզմի դիմադրողականությունը։ Շատ լավ համադրվում է կարմրեցված մսի և թեյի հետ։
