Իմ անձնական կարծիքն է, որ իշխանափոխությունը, եթե չի հանգում կառավարման բարքերի փոփոխության, ապա չի դառնում հեղափոխություն...

Պաշտոնական լրատվությունը՝ մի կողմ, բայց ժողովրդի շրջանում դեռ նորի զգացումը շոշափելի չէ, և դեռ շատերն են տրտնջում, թե «ոչինչ էլ չի փոխվել»։

Իհարկե, անձամբ ես այն կարծիքին եմ, որ գոնե մթնոլորտի առումով ամեն ինչ նույնը չէ: Բայց դա շատ քիչ է, որպեսզի ապահովվեն արդարացի պայքարի ելած մարտնչող ժողովրդի սպասելիքները։

Պետք է հնարավորինս զերծ մնալ սխալներից, պարզապես թույլ չտալ սայթաքումներ, իսկ դա հնարավոր է միմիայն որակյալ ու պատրաստված մարդկային ռեսուրսներով շրջապատվելու պարագայում։

Ասելս ի՞նչ է․ օր առաջ պետք է ազատվել բանից անտեղյակ, ինքնասիրահարված դատարկագլուխներից, որոնց «անդուլ ջանքերով» իշխանափոխությունը դեռ չի վերածվել դասական հեղափոխության։

Դե իսկ ժամանակը, ինչպես գիտեք, չի սպասում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել