Սիրիայի ալ-Ռակկա նահանգում քրդերն արդյունավետ են գործում. ակտիվորեն ներքաշված են ռազմական գործողությունների մեջ, շարժվում են մարզկենտրոնի՝ ալ-Ռակկայի ուղղությամբ (այն դեռևս գտնվում է Իսլամական պետության ձեռքում) և հայտարարում են ալ-Ռակկան ազատագրելուց հետո այն քրդական ինքնավարությանը միացնելու ցանկության մասին: Մինչդեռ ալ-Ռակկայում կան իրողություններ, որոնք անտեսել նշանակում է լավ չպատկերացնել այստեղ տիրող իրավիճակը:
Մասնավորապես՝ խոսքը վերաբերում է տեղի բավական ազդեցիկ ալ-Բայատրա (البياطره), ալ-Աջիլ (العجيل), ալ-Բարիջ (البريج) և ալ-Նաիմ (النعيم) արաբական ցեղերին, որոնք, եթե մեղմ ասենք, չունեն համակրանք այստեղ գործող քրդերի հանդեպ:
Ամերիկացիները համառորեն անտեսում են արաբական հիշյալ ցեղերի դերակատարումն ու ազդեցությունը՝ հիմնվելով միայն քրդական ուժերի վրա, ինչն ավելի է սրելու իրավիճակը Սիրիայի այս հատվածում:
Նյութի աղբյուր՝ https://www.facebook.com/sargis.grigoryan.50/posts/1383594415035676?notif_t=close_friend_activity¬if_id=1490950782829252
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
