Past.am-ը գրում է.
ԵՄ-ի և Թուրքիայի միջև միգրացիոն ճգնաժամի կարգավորման մասին համաձայնագիրը, որը ստորագրվել է մարտի 18-ին, պաշտոնապես ուժի մեջ է մտել մարտի 20-ին, ժամը` 00.00-ին: Այս մասին հաղորդում է «BBC»-ն:
Մասնավորապես, այն նախատեսում է, որ Թուրքիայի տարածքով ապօրինաբար Եվրոպա ժամանած Մերձավոր ու Միջին Արևելքի և Հյուսիսային Աֆրիկայի պետությունների այն քաղաքացիների հարկադիր վերադարձ Թուրքիա, որոնք հիմքեր չունեն ապաստարան ստանալու համար: Դրա փոխարեն ԵՄ-ը պարտավորվել է վերցնել որոշակի քանակությամբ փխստականների, որոնք արդեն գտնվում են թուրքական ճամբարներում և Սիրիայի նախկին բնակիչներ են:
Մոտակա օրերին եվրոպական երկրներից միգրացիայի և անվտանգության գծով 2300 մասնագետներ և թարգմանիչներ կժամանեն Հունաստան պայմանավորվածությունների գործնական իրականացման համար:
Ըստ Հունաստանի կառավարության ներկայացուցիչ Գիորգիոս Կիրիցիսի, պլանի գործելու համար կպահանջվի կազմակերպչական աշխատանքների ևս մի քանի օր:
