Ոչ, սա «Ռաֆայելլո»-ի գովազդ չէ, քանի որ մենք առաջարկում ենք ոչ թե գնալ խանութ և գնել պատրաստի կոնֆետը, այլ պատրաստել այն տանը սեփական ձեռքերով:) Իհարկե, խանութ գնալու կարիք կլինի: «Ռաֆայելլո» պատրաստելու համար անհրաժեշտ է գնել՝

խտացրած կաթ,
մեկ տուփ կարագ,
վանիլին,
200 գրամ կոկոսի փաթիլ,
մեկ բաժակ նուշ:

Պատրաստման եղանակը.

Պատառաքաղով որոշ ժամանակ խառնելով սենյակային ջերմաստիճանի պայմաններում հալեցնել կարագը: Ավելացնել խտացրած կաթը, վանիլինը ու կոկոսի փաթիլների կեսը: Հարել մինչև միասեռ կրեմ ստանալը և ստացվածը մի ամբողջ օր թողնել սառնարանում:

Սառած կրեմից պատրաստել փոքրիկ գնդիկներ, որոնցից յուրաքանչյուրի մեջ մեկական նուշ մտցնել: Սա արդեն պատրաստի միջուկն է: Մնում է միայն թաթախել այն կոկոսի փաթիլների մնացած մասի մեջ:

Տնային պայմաններում պատրաստված «Ռաֆայելլո»-ն շատ ավելի նուրբ է ստացվում, քան այն, որ հնարավոր է ձեռք բերել խանութում: Այս «Ռաֆայելլո»-ն կարող է հալչել 23 աստիճանից բարձր ջերմաստիճանի պայմաններում: Դրանից խուսափելու համար պետք է պատրաստի կոնֆետները պահել սառնարանում: Հազարավոր բառերն իրոք ավելորդ կլինեն. Դուք ամեն ինչ ասած կլինեք ձեր քաղցր անակնկալով:

Աղբյուրը՝ ladynews.am




Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել