Այս` ծագոմով անգլիական փոքրիկները միշտ փրկում են, որբ առավոտյան չեմ իմանում` ինչ նախաճաշ պատրաստել:
Դե ձվաձեղ, պաշոտ և այլ նախաճաշերը լավ են, բաց երբեմն ինչ-որ ուրիշ բանով ես ուզում սկսել առավոտը. այդ դեպքերում ես պատրաստում եմ յորկշիրյան պուդդինգ:
Ընդամենը 3 բաղադրիչ ու վերջ, համոզված եմ` բոլորիդ տանը դրանցից կլինի:
Մեզ պետք է`
1 բաժակ կաթ
1 բաժակ ալյուր
1 հատ ձու
աղ, շաքարավազ (մոտ 1-2 թգ)
Յորքշիրյան պուդինգների ռեցեպտն առաջին անգամ ներկայացվել է 1737 թվին լույս տեսած «Կանանց ողջ պարտականությունները» խոհարարական գրքում:
Պատրաստման եղանակը
Բոլոր բաղադրիչները լավ խառնում ենք իրար ու լցնում կեքսի ամանների մեջ` 2-3 գդալը բավական է: Մի վախեցեք, որ դրանք իդեալական տեսք չեն ունենա` դա յորքշիրյան պուդինգներին երբեք չի նեղել: Միացրեք վառարանը՝ հասցնելով այն 150 աստիճանի, ու տեղավորեք պուդինգները:
20 րոպեից դրանք արդեն պատրաստ կլինեն` ոսկեգույն ու ուռած:
Ի դեպ, խմորը որքան անփույթ լցնեք, այնքան ավելի հետաքրքիր տեսք կունենա ձեր պուդինգը:
Մատուցեք այն մրգային սիրոպի, հալեցրած պանրի կամ հատապտուղների հետ` միացրեք երևակայությունը: Եթե հետաքրքրում է դրա ավանդական մատուցման ձևը, ապա ասեմ` դրանք մատուցվում են ռոստբիֆի, իսկ հիմա արդեն գրեթե ամեն ինչի հետ:
Ինձ ամենաշատը դուր է գալիս այս պուդինգի տեսքը: Պարզ ձև, որը երբեք չի լինում շատ սիրուն կամ գեշ, ինչի շնորհիվ դառնում է հարմար, երբ չսպասված հյուրեր ես ունենալու: 20 րոպեն բավական է, որպեսզի դրանք պատրաստ լինեն` առանց որևէ ավելորդ նյարդային խանգարումների:
Անպայման փորձեք այս ռեցեպտն ու կիսվեք տպավորություններով
Սիրով`
Նյամիկ Էլլա Կանեգարիան
