Զանգեզուրի միջանցքն անպայման կկառուցվի․ Իլհամ Ալիև

Մենք տրանսպորտային նոր միջանցքներ ենք բացում՝ ներդրումներ կատարելով երկաթուղային և ավտոմոբիլային ենթակառուցվածքներում։ Այս մասին Բաքվի XXXI էներգետիկ համաժողովի պաշտոնական բացման արարողությանն ունեցած իր ելույթում հայտարարել է նախագահ Իլհամ Ալիևը։

Հիշեցնելով, որ Արևելք-Արևմուտք միջանցքը հաջողությամբ գործում է, երկրի ղեկավարը նշել է. «Զանգեզուրի միջանցքը, որպես Արևելք-Արևմուտք միջանցքի նոր ճյուղավորում, անպայման կկառուցվի՝ համաձայն 2025 թվականի օգոստոսի 8-ին Սպիտակ տանը ԱՄՆ նախագահի, Հայաստանի վարչապետի և իմ միջև ստորագրված փաստաթղթի»։