Այս տարի Սպիտակ տանը կայանալիք սուրբծննդյան ընթրիքին հրավիրված հայտնի անձնավորությունը սոցիալական ցանցերում կիսվել է հրավիրատոմսի մի հատվածով՝ պատմելով դրես-կոդի (հագուստի կանոնակարգի), նվերներ բերելու կանոնների և այս բացառիկ վայրում անցկացվող միջոցառումներին վերաբերող այլ հաճախ տրվող հարցերի մասին, գրում է Al Arabiya-ն:
Պարզվել է նաև, որ Սպիտակ տան տարածքում այցելուների համար կայանատեղի չկա: Քարտեզի վրա նշված վայրերը տեղեկատվություն են պարունակում միջոցառման ցուցադրության մասին և ուղեցույցներ՝ մոտակա մետրոյի կայարանների վերաբերյալ:
«Սուրբ Ծնունդը Սպիտակ տանը» տոնական կարմիր տառատեսակով գրության տակ ներկայացված է եղել հաճախ տրվող հարցերի ամբողջական ցանկը, որոնք կարող են օգնել հրավիրյալներին պլանավորել իրենց այցը:
Ահա թե ինչ է գրված ամբողջական տեքստում. «Արդյո՞ք առկա է կայանատեղի:
Սպիտակ տան տարածքում կայանատեղի առկա չէ: Սպիտակ տանը ամենամոտ մետրոյի կայարաններն են՝ McPherson Square (կապույտ, նարնջագույն և արծաթագույն գծեր), Farragut West (կապույտ, նարնջագույն և արծաթագույն գծեր) և Metro Center (կապույտ, նարնջագույն, արծաթագույն և կարմիր գծեր):
Ուղևորների իջեցման համար, խնդրում ենք, առաջնորդվել ձեր երթևեկության քարտեզում նշված վայրով:
Ի՞նչ պետք է հագնել: Խորհուրդ տրվող հագուստը՝ գործնական կամ կոկտեյլային:
Կլինի՞ արդյոք վերնահագուստի ստուգում/պահատվություն: Վերնահագուստի համար կտրամադրվի համապատասխան համարակալված կտրոն (զգեստապահարանի չեկ):
Կարո՞ղ եմ պայուսակ բերել։
Կարող եք փոքրիկ պայուսակ կամ դրամապանակ բերել։ Սակայն մեծ պայուսակները, պորտֆելները և ճամպրուկները թույլատրված չեն։
Կարո՞ղ եմ բջջային հեռախոս բերել։
Կարող եք բջջային հեռախոս բերել։ Սակայն խոշոր էլեկտրոնային իրերը, ինչպիսիք են պլանշետները և նոութբուքերը, թույլատրված չեն։
Կարո՞ղ եմ լուսանկարել։
Ձեզ թույլատրվում է լուսանկարել Սպիտակ տան ներսում։ Սակայն արգելվում է լուսանկարել լուսարձակով, սելֆիի ձողիկներով, պրոֆեսիոնալ տեսախցիկներով և հանվող օբյեկտիվներով տեսախցիկներով։
Կարո՞ղ եմ նվեր բերել։
Ցավոք, նվերներն արգելված են։ Նվերները կբռնագրավվեն Գաղտնի ծառայության կողմից դարպասի մոտ և դուք կկալանավորվեք մուտքի մոտ։
