Ինչպես հայտնի է, Նիկոլը հրապարակել է Պուտինին ուղղված Սերժ Սարգսյանի նամակը՝ դրա բովանդակությունը մանիպուլացնելու հստակ նպատակով. ցանկացել էր իբր փաստել, թե դեռևս 2016-2018 թվականներին բանակցային գործընթացը հասել էր մի կետի, որտեղ հայկական կողմը պարտավորվել էր տարածքներ զիջել՝ առանց կարգավիճակի հստակ երաշխիքների, իսկ ինքն էլ դարձել է դրա զոհը։ Փաշինյանն այս նամակը մեջբերել է՝ ապացուցելու, թե իբր դեռևս Սերժ Սարգսյանի պաշտոնավարման օրոք է Հայաստանը համաձայնվել հողերը հանձնել, ուստի ինքն իբր փորձել է այդ սցենարը կանխել:

Իրականում Նիկոլը չի հասկացել, թե ինչու են իրեն մեղադրում: Մեղադրում են իրավիճակը ճիշտ չհաշվարկելու ու չգնահատելու համար: Եթե կար հնարավորություն՝ մի քանի շրջանի զիջմամբ իրավիճակը փրկելու ու պատերազմը կանխելու, իսկ նման հնարավորություն կար առնվազը 2019-ին, ապա ունենալով ազգի աջակցությունը՝ ՔՊ-ն պե՛տք է մտներ այդ պատասխանատվության տակ. ոչ ոք Հայաստանին չէր խոստացել հնարավոր պատերազմում 100%-անոց աջակցություն, ընդհակառակը՝ հիմնական խաղացողները միաբան էին անհրաժեշտ զիջումների հարցում:

Իրականում Նիկոլը պատերազմի գնաց ոչ թե հողերը պահելու, այլ, ինչպես ինքն էր վերջերս խոստովանել, ռուսական «թոկից» ազատվելու, իսկ դրա համար պետք էր կոտրել հայ ժողովրդի դիմադրողականությունը, կոտորել, որ գոհանային թե՛ թուրքերը, թե՛ արևմտյան համապատասխան շրջանակները և թե՛ Նիկոլը կարողանար պահել իշխանությունը՝ Կովկասը դարնձելով Թորքիայի հետնաբակը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել