ՔՊ-ական Պապոյան Գևորը պնդել է, թե օգոստոսի 8-ից հետո Հայաստանում և տարածաշրջանում հաստատվել է խաղաղություն: «Այդ փաստաթուղթը տարածաշրջանին ու Հայաստանին բերել է խաղաղություն»,-հայտարարել է Գևորը, որ որպես իր պնդման առհավատչյա կոչ է արել լսել, թե ինչ է խոսում Ադրբեջանը:

Գևորի պնդումների սնամեջությունը հատկապես ցցուն է դառնում Իլհամի վերջին հայտարարությունների ֆոնին. մարդը հայտարարել է, որ Ադրբեջանն ամեն րոպե պետք է պատրաստ լինի պատերազմի՝միաժամանակ չխորշելով կրկին թշնամի հռչակել հայ ժողովրդին՝ մեղադրելով ցեղասպանության համար, որը երբեք չի մոռացվի ու Ադրբեջանը երբեք քաղցր խոսքերին չի խաբվի:

Հարց՝ Գևորին՝ խաղաղություն ցանկացող երկիրը նման հայտարարություններ կանի՞: Ըստ էության, Իլհամի հռետորաբանությունը ոչնչով չի տարբերվում նրանից, ինչ՝ սովոր ենք լսել միշտ: Ասել կուզի՝ օգոստոսի 8-ը որպես շրջադարձային կետ ներկայացնելու ՔՊ-ականների փորձերը ծիծաղելի են ու նպատակ ունեն՝ մոլորեցնելու հայ հանրությանը ու թուլացնելու նրա դիմադրողականությունը:

Գուցե Գևորն անձնապես շատ կուզեր ապրել խաղաղ Հայաստանում՝ օգտվելու այն բարիքներից, որ նրան ընձեռում է զբաղեցրած պաշտոնը, սակայն վերջին տխմարին էլ է պարզ, որ թուրքերը չեն հրաժարվել ու չեն հրաժարվելու Սյունիքը ոչնաչցնելու մտքից՝անկախ նրանից,թե ինչ են հայտարարում գևորները:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել